張兆輝被敏之生擒狂啜十秒

張兆輝（輝哥）及陳敏之昨日現身太子，拍攝無綫劇集《性在有情》的激咀戲份。二人先爭取時間互對劇本，而埋位後輝哥即被敏之猛力推向牆壁，更被捉實強吻逾十秒！輝哥被狂吻後一臉愕然，相當入戲！

仔女教性知識

於劇中飾演性社工的輝哥透露會幫助棘手病人解決性問題，他更預告當中會爆出不少笑料。問到他有否遇上男性問題？輝哥即自誇健康又正常。談到他會否讓仔女收看該敏感題材的劇集？輝哥自爆提及性教育會被仔女「教番轉頭」：「我拍嘅作品，佢哋都會睇。仔女喺書本學性教育，教番我添！（擔心敏感題材？）唔會，佢哋（性）知識多過我！」

咀完鬆人的陳敏之瀟灑揮袖，獨留被嚇窒的張兆輝。

洪永城（箭嘴）與大批好友一起慶祝生日。

時間少造人難

提到今次與人妻敏之在街頭激咀會否感尷尬？輝哥自爆未驚過：「唔會，我同佢好合拍！」問他會否擔心對方老公詐型？二人即齊聲否定，輝哥笑說：「我哋就係咁先有默契！」敏之聞言即向輝哥「笠高帽」，表示能與影帝級人馬「錫錫」，自覺相當榮幸及「犀利」。

至於扮演性治療師的敏之搞笑自認為了解角色而變得「熟手」，精於講解性知識。問到榮升人妻的她會否學以致用？敏之怕醜地暗示冇時間造人：「未有時間用呀！睇吓拍劇後會點。（教老公性知識？）向佢灌輸啲！」

文：影視組