小寶爆傷心事 喪父強顏開工
以脹爆身形殺入電視圈的藝人陳嘉佳，肥嘟嘟搞笑形象深入民心，但原來喜劇演員背後亦有辛酸，她透露拍《老表，你好hea！》期間經歷老父離世，仍要強顏歡笑繼續拍攝。
藝人陳嘉佳（小寶）體重達230多磅，是無綫數一數二「最夠分量」的女藝員，走另類路線成功殺出重圍，她坦言從來沒有想過可以入行當藝人，入行前在臨時演員公司擔任行政工作的她，在一次工作上認識了王祖藍，祖藍覺得她夠特別，於是邀請她演出其電影《矮仔多情》，其後又獲祖藍邀請加入無綫，拍攝了她人生第一套劇集《老表，你好嘢！》，也展開了她的演出生涯。
視祖藍為伯樂
問她加入電視台後，生活起了甚麼變化？她說：「收入好咗好多啦，其實正式入行之前，祖藍搵我都即刻應承，嗰時嘅心態係有工就開。」她又表示祖藍是她的伯樂，若不是祖藍提拔，自己仍是一個辦公室小妹，更笑言若將來得獎，在台上第一個多謝的是王祖藍。
笑臉背後辛酸
小寶演出的角色多為樂天、搞笑，但原來喜劇演員背後亦有辛酸，她說：「拍緊《老表，你好hea！》時，我爸爸離開咗，仲好記得第二日要開工，拍郭晉安同萬綺雯結婚嗰幕，我當時冇畀人知，只係話咗畀監製知，但係祖藍就睇得出我有事，佢一問我就即刻爆喊，當時真係拍得好辛苦，最後祖藍真係好好，佢畀我走，嗰場戲唔使我拍。」
場地：PAPillON caffe
文：影視組