陳敏之爭女配 恨連中三元
陳敏之早前分別憑無綫劇集《點金勝手》及《使徒行者》在新加坡和馬來西亞奪得「女配角」獎項，獲得老公深情支持的她自爆有信心「連中三元」，於今年無綫頒獎典禮延續獲獎的喜悅！
榮升人妻及餅店老闆娘的陳敏之，早前憑無綫劇《點金勝手》及《使徒行者》，分別在新加坡和馬來西亞的電視頒獎禮奪「女配角」獎，曾於台慶頒獎禮奪過「女配角」的她有信心再奪獎：「我有信心延續喜悅！今年真係喜事重重，我由結婚、開舖到攞獎都順利，令我好滿足。如果再下一城，就會好美滿。」
問敏之若今年連中三元，老公會否有所表示？她冧爆稱獲老公默默支持：「佢每次都話我知可以再進步。（老公屬於鞭策型？）都係，佢不嬲都咁默默支持我！（慶祝？）會一家人食餐飯，之前攞獎都未得閒食，如果我再攞就一次過慶祝！」
不理角色 盡力投入
敏之在馬國的頒獎禮又憑《使》劇的「莫羨昕」一角奪「最喜愛電視角色」獎項，她直言比奪「女配角」更興奮：「最開心第一次攞到角色獎。（開心過攞女配？）攞角色獎攞到認同感。」
提到其他「女配角」熱門，例如陳凱琳以「姦計」上位，敏之坦言抵對方出位：「佢角色需要呢種好激嘅戲份，出位都係應該嘅。如果佢得獎，我會祝福佢。」現於無綫新劇《性在有情》擔正女主角的敏之下次有望爭視后，她對此說：「我唔理角色係咩排位，盡力同投入就一定嘅。但做女主角要兼顧更多，要畀多啲信心自己。我冇諗獎項，會盡力享受。」
文：影視組