Ashina索店長 洗碗切肉頂硬上

從未有過飲食業打工經驗的《東網Baby》郭奕芯（Ashina），日前在「德興日式放題鍋」做一日店長，要一腳踢洗碗、落order、派傳單及切牛肉等。平時少做家務的Ashina，面對洗碗大考驗時，即大感頭痛，更出嗲功向工作人員求饒，可惜計劃失敗，惟有頂硬上！
Ashina有樣有身材，原來也捱得苦。
Ashina有樣有身材，原來也捱得苦。

身為《東網Baby》的郭奕芯（Ashina）日前處女下海，為「德興日式放題鍋」做一日店長，從未做過飲食業的Ashina，要一日之內做晒洗碗、落order、派傳單、切牛肉等工作，雖然Ashina在過程當中顯得雞手鴨腳，不過亦通過「考驗」，做個合格店長！在眾多工作中，Ashina亦能應付自如，並大呼新奇兼好玩。

撒嬌要搵人幫手

當到洗碗大考驗時，穿起圍裙兼戴起手套的Ashina，面對碗碟時即大感頭痛，更嘴扁扁撒嬌表示：「咁多碗點洗呀？」希望工作人員可以高抬貴手，可惜並不成功。Ashina惟有硬着頭皮頂硬上，不過Ashina洗了一會兒便將所有碗「完全消滅」，認真厲害！

平時十指不沾陽春水的Ashina，對着大堆碗碟即時嘴扁扁。
  • 平時十指不沾陽春水的Ashina，對着大堆碗碟即時嘴扁扁。
Ashina落力向途人派傳單。
  • Ashina落力向途人派傳單。
為了做好呢份工，Ashina落order時也毫不馬虎。
  • 為了做好呢份工，Ashina落order時也毫不馬虎。
Ashina向真正店長請教工作之道。
  • Ashina向真正店長請教工作之道。

派傳單驚青好玩

問到Ashina店長之旅感覺如何？她坦言非常好玩兼開心，給予自己表現80分：「以前未做過飲食業，要一日做齊咁多嘢，起初聽落都驚驚哋，但做落又唔係好辛苦，覺得好好玩，我畀自己80分，因為仲有進步空間。（最好玩係咩？）派傳單，其實派嗰陣我好尷尬，好驚啲人唔接！」她又表示洗碗工作最有挑戰性，令她畢生難忘：「平時都會洗碗，但洗咁多真係第一次，同埋又要着起圍裙，感覺好專業，雖然係辛苦啲，但我都唔介意。」

文：林倩怡

攝：張福宏、鄭家俊