鄭俊弘自嘲成日走音
歌手鄭俊弘（Fred）及張繼聰等前晚於電視城錄影節目《超級巨聲4》，Fred表示與參賽者蔡頌雯合唱情歌，希望成功協助對方過關。談到今屆參賽者被指質素參差及頻頻走音，Fred力撐參賽者水準高，又笑言自己亦經常走音：「我聽過綵排，水準好高！（比唔上你嗰屆？）唔會，（頻頻走音？）在所難免，我都成日走音同忘詞。」
Fred又笑言今次上台助唱會遇到評判郭偉亮（Eric Kwok），定必被對方批評：「佢係我監製，清楚我把聲。（似重演比賽而被批評？）我會唱好啲，唔想累拍檔！」同場的張繼聰表示因忙於拍攝無綫劇《逆戰塘西》，故辭任該節目主持，今次亦是他最後一集錄影該節目。