謝偉倫唱Beyond起家
樂壇新人謝偉倫（Alan）因獻唱Beyond歌曲被受注目，因而被發掘出道，昨日他舉行新碟《醒覺》發布會，獲前輩鄧建明及黃家強到場支持，家強更坦言一直有留意Alan的音樂，更大讚有水準！
歌手謝偉倫（Alan）昨日舉行新碟《醒覺》發布會，獲前輩Joey Tang及黃家強現身jam歌。家強及鄧建明更準備了他們當年出道時的經典黑膠唱片包裝而成金唱片送給Alan，以示鼓勵！
band二代圓父親夢
Alan本是街頭歌手，因演唱Beyond歌曲受注目，而被經理人Bolie Wong發掘而推出唱片。Alan表示不知偶像家強會到場支持，大感興奮：「我嚟到先知，仲可以同家強jam《光輝歲月》！（為何不以band身份出道？）樂隊其他成員各有工作，band出身好難生存，我哋用一個唔同嘅性質去玩音樂。屋企都好支持我，爸爸以前都是band仔，能夠成為歌手算是成就與爸爸的夢想。」Alan又感慨表示新碟收錄了多首爸爸謝昭光在石頭樂隊時的歌曲：「我尋晚聽番隻碟，覺得好感動同幸福，自己都有喊！多得屋企人冇阻止去街頭演唱，我依家先可以出碟！」
暗寸有人唔敢發誓
此外，家強之前一直有留意到Alan這位新人，覺得他的音樂有水準，但他估不到：「有個朋友叫我去支持個新人，原來佢係朋友個世姪，所以覺得特別有緣分，香港樂壇有得救！」提到謝偉倫屬band二代，問到家強將來會否讓兒子玩音樂時，他笑言：「十年後先啦，佢都有音樂感，但逼唔到，會畀佢自己揀！」問到家強可有跟黃貫中聯絡？他說：「唔講啦！（同前經理人的事如何？）我要講嘅嘢，已經喺封信度講晒，佢兩個唔敢正面回應，又唔敢發誓，咁咩都唔使講！」
文：音樂組