G.E.M.裝胸作細：呢排減咗肥

G.E.M.（左）自言因近日減咗肥，所以個胸比「孖生家姐」瘦少少。

歌手鄧紫棋（G.E.M.）自參加內地歌唱節目《我是歌手2》後一炮而紅，人氣爆到上太空之餘，更被邀請進駐香港杜莎夫人蠟像館。昨日G.E.M.於山頂舉行蠟像揭幕禮，親自見證升呢做「天王天后」一刻。G.E.M.表示相當滿意製成品，更與幾可亂真的「姐姐」一齊與粉絲大玩自拍，她又自爆：「三年前因受情傷一個人去咗紐約散心，嗰時好似好慘咁同蠟像自拍，估唔到依家有機會被自拍。」不過「真假G.E.M.」合照時，真人比蠟像的胸細，惹來「作假」疑雲，她笑言：「呢排減咗肥，所以我瘦過我『家姐』少少，同埋呢排游水多咗，所以頭髮淺色咗啲。」

唔怕後浪推前浪

講到有網民狠批G.E.M.未夠班與巨星並列，G.E.M.回應：「好開心接受呢個光榮，今年有好多支持唔支持嘅聲音，但都有好多收穫。」問到內地有蠟像被「非禮」，G.E.M.會否擔心成為下一個「受害者」？她直言不太了解報道，又覺得這是個人修養問題。講到《我是歌手》新一輯將開鑼，憑該節目彈起的她會否怕長江後浪推前浪？她坦言：「做音樂好多原因，睇吓你係想被觀眾記住，定鍾意音樂想同大家分享，我係後者。」

G.E.M.與粉絲開心玩自拍。

G.E.M.前日率先肉緊地攬住「自己」合照：「我要親死她。」

另外，G.E.M.上周六完成濟南站的內地巡迴演唱會後受訪，被問到是否人紅是非多？她說：「每個新聞給我的衝擊力都很大，可是現在看回去，每個新聞對我的影響都很小，我會跟團隊一起成長、承擔及分享快樂，反而歌迷的情緒起伏最大，我會在經驗中學會聰明一點。」

文：音樂組