R&K畫出音樂 看圖估歌仔
俗語有云畫公仔畫出腸，但Robynn & Kendy（R & K）卻謂畫公仔還可以畫出音樂！在新碟中破格以全插圖製作，與粉絲大玩「看圖估歌仔」，希望與音樂一同化成一幅幅的畫，讓大家用心去細看她們出道幾年所經歷的「風景」。
將出道四年的Robynn & Kendy，從寂寂無聞的網絡歌手，到今年遠赴浙江出戰《中國好聲音》得到大眾認同，兩人直言在2014年可謂歷盡高低起跌：「我哋覺得今年最深刻嘅就係做舞台劇同埋參加《中國好聲音》，當中多咗好多人生經歷，亦經歷咗好多唔同嘅磨練。」
兩人更在剛推出的新碟《Picturesque》中記錄低一段段的回憶，希望為今年作一個總結，Robynn說：「Picturesque呢個名係Kendy諗嘅，係風景如畫嘅意思，以插圖表達音樂好似一幅又一幅嘅畫，代表住我哋做嘅每一樣嘢都好似畫咁。」兩人又表示雖然沒有親自為插畫動筆，但卻加入了不少自己的意見：「因為我哋兩個都冇咩畫畫天分，所以如果我哋親手畫應該會冇人買，不過入面嘅畫都好有意思，最得意係可以看圖估歌仔，啲插畫同歌名都有關係。」
特別推介
兩人又提到新碟分成兩個部分，分別是CD1的Gallery及CD2的Scrapbook，Gallery顧名思義就是「畫廊」，將最精心製作的的音樂擺進去讓大家欣賞，至於Scrapbook，她們說：「CD2係草稿由《小說伴咖啡》，我哋第一首派台歌開始，好多舊歌嘅Demo版都放咗入去，而且因為係Demo版好多都未面過世，希望將之前作過嘅歌出世第一刻帶畀大家。」兩人又向歌迷極力推薦收錄於CD2的《Between the lines》這首歌：「呢首歌係《陶瓷娃娃》的英文版，之前都演唱過，終於放入碟，大家可以Loop完又Loop喇！」
文：音樂組
攝影：吳文聰
場地：Partyland
服裝：Kookai
化妝：Kirsty Lam
髮型：Eve@Queen's Private I