藝人羅浩銘和張建聲在新片《壹獄壹世界》中，有場埋身肉搏戲，羅浩銘即場脫去外衣展示強勁肌肉。相反，張建聲為了電影增肥至二百磅，拍攝時露出大肚腩，二人身形相差甚遠，場面搞笑。
羅浩銘表示佩服張建聲為了電影而增肥二百磅，他說：「戲中佢係一個有錢仔，搞咗一個拳擊派對，我就要同佢對打。點知佢同我講原來未拍過搏擊戲，所以拍攝前我都有同佢分享吓心得，確保拍攝時安全冇人受傷。」
