郭晉安（安仔）在馬來西亞榮登「視帝」寶座後，狀態大勇的他趁機四出搵銀，日前以代言人身份亮相健康產品晚會，期間不忘為自己拉票，呼籲現場人士記得投他為視帝。
問他是否有信心於無綫頒獎典禮中「再下一城」三度封帝？安仔自爆「多人撐」：「我當然有信心啦！我亦知道有好多人支持我，因為佢哋上網投完票都會send訊息畀我，但頒獎禮嗰晚一定好緊張，事關其他候選人水準都好高，希望嗰晚自己真係可以得獎啦！」
