陳凱琳怕凍阿媽貼身煲湯

藝人陳凱琳(Grace)和黃智雯昨日隨無綫新劇《張保仔》大隊北上到橫店取景,兩人均表示首次到當地開工。有媽咪陪同拍攝一個月的Grace就坦言平日在港拍劇少見父母,今次媽咪全程跟實終可朝夕相對。問到會否怕悶親媽咪?她笑謂:「佢好鍾意睇我哋拍劇、睇成個製作點樣。媽咪都帶咗個煲去,有時可以煲下湯水畀我飲。」她又大爆劇組在無錫租了大船拍水戰場面,相信屆時一定會濕身,更大呻戲服薄怕手腳凍。臨入閘前,來送機的陳爸爸就攬實囡囡,依依不捨。

黃智雯趁機去玩

至於黃智雯亦怕內地天氣凍而準備了不少禦寒衣物,更謂:「我帶咗勁多暖包同羽絨,帶到overload!」又指中間放假打算到杭州玩,望好友姚子羚會合大隊後約她齊齊去遊山玩水。事前向好友黃宗澤和周麗淇取經的她就知道大陸好方便乜都有,所以自己就只帶貼身物品上機,例如公仔、床單及枕頭。

文:影視組