早前倫敦及荷里活都星光熠熠，英國名模姬摩絲（Kate Moss）與好姊妹「黑珍珠」娜奧美金寶（Naomi Campbell）出席攝影大師好友Mario Testino的60大壽派對，二人均性感現身，姬摩絲更驚艷全場，星級造型師郭慶彬（Ricky）亦大讚姬摩絲穿上的紅色低胸連身裙最靚，着出艷紅色的張力，相反出席美國愛滋病ball的Miley Cyrus同Rihanna就過分肉感，美感欠奉。
「第一眼好睇，好sharp，橙紅色嘅裙配合佢皮膚同金髮好有艷光，而且傘裙喺歐洲好興，似小公主。同埋佢着得好modern，佢揀紅色鞋，又配紅唇，真係互相呼應。」
「睇落好花，裏面係着紅色，外面件斗篷太累贅，而且佢又有戴帽，太多嘢，平時見佢身形都唔錯，但今次着得too much。」
「望落去都靚，佢黑皮膚着閃令令嘅裙好搶眼，好突出，不過頭飾嘅花就太多，唔要更好，因為佢已經有戴頸鏈。」
「佢着得一般，唔突出，黑色褸同白色裙，唔着黑色褸會更好，會更襯佢，佢襯傘形設計嘅裙，感覺上會girly啲。」
「好靚，第一眼見到好sexy，好型，着出艷紅色嘅張力，壓到場。佢雖然唔高，但係條裙令佢拉長咗，就算佢上露下露都唔覺得cheap，紅色突出到野性，好搶眼，好型。」
「好爆，佢喺着同唔着之間，太過火，美感欠奉，over咗，太誇張，性感但唔討好，佢仲後生唔使咁快去到咁盡，而且個妝同頭都一般，唔靚，嚇一驚。」
「感覺一般，不過都靚，但未去到最靚，sexy係唔錯，比起Miley佢高貴啲，白裙令佢膚色突出，不過下身略肥，瘦啲會更好，太有肉嘅人太性感就唔好，太有肉感，瘦嘅人性感先着得靚。」
星級造型師郭慶彬（Ricky）的配搭功架深受女星讚賞，是「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，經常被各大品牌盛邀出席米蘭與巴黎時裝周，還會為品牌在尊貴活動上充當講師，與VIP分享與傳授配搭之道。