吳奇隆畀索女圍硬晒軚

澳門昨舉行一年一度的格蘭披治大賽車，身為澳門人的太陽娛樂老闆周焯華廣發「英雄帖」，成功邀得不少藝人慕名前往捧場，其中古天樂、余文樂及吳奇隆更擔任賽事的頒獎嘉賓，而劉浩龍、莊思敏及女子組合As One亦先後現身車場追捧賽事，場面星光熠熠相當熱鬧。

過咗鬥車年紀

與劉詩詩打得火熱的奇隆，昨日撇下女友單拖到場，現場依着性感大騷事業線及長腿的一眾賽車女郎，即時「爭取機會」走近與型男多番合照，搞到奇隆怕醜不懂招架，事後更向記者「投訴」：「好唔慣呀！（鍾意賽車？）以前試過喺台灣鬥車，依家唔會（落場）嘞。」他於場內逗留差不多一小時，會合古仔、樂仔等頒完獎後便離開。

吳奇隆（左二起）、古天樂及余文樂擔任頒獎嘉賓。	莊思敏未能落場出賽，與劉浩龍一同捧場。	太陽娛樂老闆周焯華（左）與女子組合As One現身車場。

聽講解學到嘢

近年先後參加過上海及珠海賽車的莊思敏，昨日特意現身捧朋友場：「不過好唔好彩，我朋友喺排位賽因為機件出現故障，所以被迫退出。」由於準備出賽時間需要一整年，思敏笑謂：「今日有人喺賽道作出專業講解，話畀我聽他日出賽最需要注意啲乜，真係覺得學到嘢。今年玩唔到啫，唔排除明年落場嘅可能。」為即將開拍的新片而駁了一頭長髮的她，還以為不會輕易被認出，想不到接二連三遭車迷力邀合照，令她意外非常！

文：影視組