連詩雅恨搵機械人傾偈

連詩雅(Shiga)早前應邀出席日本機械人Robi的香港發布會,事後直呼amazing:「Robi好人性化!佢講嘢嘅聲線好似人咁,又聰明又靈活!」原來身為獨生女的Shiga由於父母經常外出工作,兒時已萌起擁有一個機械人的夢想:「細個嘅時候除咗返學見到同學仔外,其他大部分時間都喺屋企獨處,爸媽外出做生意,自己就一個同啲玩具玩。當你同玩具講嘢時,佢哋唔識回答你,所以細個特別希望可以擁有機械人玩具,等我同佢講嘢時畀反應我!」