張繼聰擦無綫鞋

歌手張繼聰前晚為無綫節目《超級巨聲4》任主持，對於新劇《老表，你好hea！》獲好評，他說：「唔止我嘅演繹，今次《老表》有好多突破。（劇中不少揶揄無綫自己劇集穿崩情節？）我覺得有胸襟喎，網民都覺得我哋夠膽咁做幾好笑！（唔驚得罪人？）出得就肯定溝通過，唔會得罪。我父母睇到好開心，外母心痛我被韓馬利摑，煲湯畀我補番。我個仔唔係好睇得明，佢都唔明咩係猜枚！但佢平時食好少飯，我老婆（謝安琪）話：『你想做到（猜枚）就食多啲飯！』咁又鼓勵到佢食多啲喎！（同韓馬利母子戀唔重口味？）之前都覺呢個位好難拿捏，但大家睇得開心，證明我哋成功。」