現年74歲的英國老牌男歌手湯鍾斯（Tom Jones）入行近50年，至今仍活躍於樂壇。前日其官方網站更新的演唱會日程竟去到2043年，難怪早前湯伯受訪話要唱多50年，願望或可成真！
湯鍾斯出道多年但仍寶刀未老，除為歌唱比賽真人騷《完美Sing戰》（The Voice）擔任評判外，亦頻頻出國開騷，證明魅力不減。前日有傳媒發現其官方網站更新演唱會日程，驚見排期去到2043年12月，屆時湯伯已103歲。一眾粉絲得悉消息後都表示震驚，亦有粉絲笑言湯伯收埋長生不老配方才有信心活到過百歲，但大部分網民都認為是唱片公司開玩笑。
下年適逢湯鍾斯入行50年紀念，早前他曾表示永不言休，希望唱多50年。又稱還有很多人想聽他唱歌，未來會繼續四圍飛，開更多騷回饋樂迷。雖然未知唱片公司是否確實為湯伯排騷排到過百歲，但上個月Twitter就一度流傳湯伯死訊，令不少網民信以為真，更有人毒舌指：「去到呢個年紀突然咁多人提起佢，多數都係因為『嗰頭近』。」
文：外娛組