蔡一智黐靚靚放生祈福

歌手蔡一智、藝人馬德鐘和陳倩揚等昨晚出席籌款晚宴，蔡一智對早前與袁詠儀（靚靚）及張智霖等人一同進行放生祈福，卻慘被網民指多此一舉，不如直接捐錢做慈善。他澄清說：「唔係我安排，係張氏夫婦安排，自己黐佢哋啲緣。（成日去放生？）間唔中，嗰時有高人話耐不耐去放生活動，會長壽同家人平安，係一件愉快事。」他透露近日為草蜢巡迴演唱會作準備，又笑言搵葛民輝執導拍電影慶祝三十周年。