小龍女傷手縫七針 嚇親吳綺莉

吳綺莉（左）和吳卓林踢拖離開醫院。

吳綺莉日前傍晚6時多現身養和醫院，見戴口罩、腳踢人字拖的她神色慌張地行來行去，記者上前問是否身體不適，她友善地說：「唔係我睇醫生呀！屋企道玻璃門爛咗，個女畀玻璃割傷，依家喺醫院睇緊。」講完又再匆匆步入醫院，未幾見她行來行去為女兒取藥，其後她與同樣戴口罩及穿人字拖的小龍女步出，只見小龍女右手包上紗布，頭耷耷跟在媽媽身後，不停用她沒有受傷的手整理衣衫。

「流咗好多血」

視女兒如命根的吳綺莉被問到小龍女的傷勢時，一臉憂心說：「佢流咗好多血，傷口好深，縫咗七針呀。」記者再問小龍女會否擔心傷口日後留有疤痕，她望一望媽媽，然後幽默說：「我驚佢心臟病發多啲。」吳綺莉聞言被氹到露出笑臉，透露稍後要再覆診，然後問記者在醫院等誰，及至知道司馬燕入院，即叫記者代為問候，更表示會發短訊給對方，然後便帶女兒往停車場取車離開。

小龍女吳卓林被玻璃割傷右手，要入院縫七針，她離開時右手包上紗布。

吳綺莉視卓林為命根，兩母女感情要好。（資料圖片）

文、攝：追蹤組