莊思敏C胸見慣 拒再升Cup

敢作敢為的名模莊思敏(Jacquelin)四年前接受矽袋隆胸手術,她在昨日出版的《好報》獨家專訪中表示今生不拆彈,昨日她回應時表示現時的34C上圍可用一世,會採取不「加建」不「拆卸」政策。

拿督千金莊思敏2010年接受交叉線雙眼皮手術及矽袋隆胸手術,將上圍由A Cup隆至C Cup,成為話題女王,日前她接受《好報》獨家專訪時指不後悔隆胸,堅定表示一世不拆彈。

Jacquelin昨接受電話訪問聲稱對身材很滿意,現解決了以往要用Nude Bra的麻煩,而且對將來生BB餵母乳又沒影響,問會否再「加建」﹖她坦言:「每次隆胸可以升兩Cup,但等啲皮膚拉鬆一段時間係可以再隆,不過再升兩Cup,我覺得太大,但為升一Cup而開刀又唔值,所以唔會喇。如果唔係必須,盡量唔想再做多次手術,依家個胸可以用一世。」對於隆胸後要承受冷言冷語,她承認某些人愛以此為話題攻擊她,部分人甚至誤會她全身也是假。

與小三有緣

在專訪中,Jacquelin提到以往戀情多因第三者介入而分手,她甚至被騙出錢為另一半與第三者築愛巢,至於現時的愛情觀,Jacquelin謂:「我唔會一腳踏兩船,多過一對一關係嘅愛情唔健康。我抗拒做第三者,我堅持如果拍拖,對方同自己都一定要單身,因為我信報應。如果對方因為你拋棄正印,佢都會因為第四者拋棄你。」

問到感情狀況,Jacquelin稱現時單身,並以找尋結婚對象為目標,但感嘆人愈大愈難找另一半,她自認要求不高,外表不重要:「順眼就得,唔使靚仔,亦唔使高過我,事業唔使好有成就,但要有上進心同目標。」

文:名人組