吳麗珠：佢精神唔差
司馬燕的前藝人好友吳麗珠昨日表示已知道對方入院的消息，準備明天往探病。她說與司馬燕一直有聯絡，故知道病情，對於司馬燕現時體重只有50磅，她說：「冇帶磅畀佢磅，應該都冇60磅，但精神唔差，佢今次係入院做檢查，都知道佢好痛。（佢屋企人點幫佢？）見招拆招，佢老公同啲仔成日陪佢。」
問到司馬燕的家人心情怎樣？吳麗珠說：「佢屋企人心情唔可以代講，但作為朋友我哋相識30年，我會用樂觀態度面對，呢幾年我都探過一啲病危嘅朋友，見過瘦到60磅嘅可以肥番120磅，所以唔會打沉一個病人。」她會向好友送上鼓勵及多陪伴對方。而黃百鳴聞司馬燕入院則大感愕然，他說：「唔好嚇我！」他說跟對方很熟落，只是近日經常飛才未有探望好友。
