呂慧儀勁升兩Cup 老公齋睇
索爆人妻呂慧儀昨日於鑽石山出席「秋日蟹節」活動，以紅裙「透」出逼爆上圍。自認「蟹癡」的她笑言為餵母乳而忍口：「我之前試過一次過食十隻（蟹），結果因為太（寒）涼而企唔到起身！我坐月忍咗好耐唔食。依家淨食半隻，無理由得老公有得食！」
談到她不斷「升胸」，慧儀即爆笑「宣布」上圍只屬於囝囝：「（上圍）好heavy，（升Cup？）升咗兩Cup。（老公開心？）唔關佢事，（上圍）係屬於我個仔，佢要經過我個仔同意！」問她是否將主力「湊B」？慧儀自認是囝囝的「貼身膏藥」：「我成日黐實個仔。（想拍劇？）唔拍我驚會脫節。（撇低囝囝？）好難取捨，佢晚晚都要趴喺我心口瞓覺。（老公呷醋？）少少，畀爸爸抱就扭計。（生多個？）唔好住喇，我仲未痛完。」