欣宜簽新公司恨出碟
鄭欣宜昨日加盟星娛樂記者會，圈中好友陳淑芬和前唱片高層出席，同公司師姐關心妍（Jade）亦專程撐場，並送上模型屋予欣宜，表示一直視欣宜像一家人永遠愛護她，搞到欣宜眼濕濕，而大會又安排幾位「嘩鬼」贈興，搞到怕鬼怪的欣宜一臉驚青。
問到欣宜加盟酬勞？她謂：「大家合作開心，最緊要出碟。（演唱會？）又冇傾，唔夠膽都未夠歌。」問到為何選在海洋公園舉行？欣宜稱因這裏有很多開心的童年回憶：「當年跟媽咪嚟，嗰時我太細，唔夠高玩唔到過山車而喊。（依家同男朋友嚟？）係班好朋友。（去玩鬼屋？）唔會啦，呢啲我好驚，同公司講明唔拍驚慄片。」