吳若希泳照撒網：冇諗過公開
歌手吳若希（Jinny）接二連三被網民狙擊起底，昨日網上瘋傳她一批照片，其中一輯乃Jinny的沙灘泳裝照逾50多張，穿上黑色泳裝的她，更顯得皮膚白皙，她如超模般出不同的甫士，除有「高炒」的半身相外，還有抱膝，最噴血是她趴在沙灘上，不過有網民就嘲諷她瘦削，而相中的她樣子稚氣，相信非近期所拍。
累舊愛唔開心
昨日忙於拍劇的Jinny透過WeChat回應說：「呢輯相係幫攝影師朋友，我入行前做模特兒影嘅，冇收錢，我冇諗過公開，今後唔再講。」另外，網上又流傳Jinny與前男友的「咀嘴」相，她承認：「係同前男友慶祝生日時影嘅，情侶有呢啲行為同暱稱好正常，又唔係慾照。」Jinny自問藝人「食得鹹魚抵得渴」，但連累舊愛就不開心。昨晚Jinny將跟家人食大閘蟹的照片上載Instagram，心情似乎未受是非影響。
盼獲網民尊重
Jinny的唱片公司CEO何哲圖在電話中表示已向Jinny了解，他覺得：「輯相都好健康，無任何淫褻動作，公司覺得冇問題。」他亦有留意網民狙擊Jinny一事，現呼籲：「希望網民尊重同善待努力工作嘅artist，如果有再發現有蓄意傷害Jinny嘅言論，公司會保留追究權利。」
文：音樂組