緋聞女王蔡思貝昨晚與羅仲謙、鄭俊弘、溫家偉及周志文等多位緋聞男友同場，成為傳媒焦點，對緋聞男友大集結，她說：「係，好多人喺度，我哋都有傾偈，係朋友嘛！（唔驚咁多緋聞影響形象？）我當宣傳，預咗每個劇出街都會有，緋聞會有少少唔開心，當係工作一部分。」
蔡思貝又否認在台灣拍攝《衝線》期間有拖周志文手：「可能傾偈嗰時掂到吓，被人影咗。（話你喺佢間房過夜？）點會？周志文同溫家偉一間房，我係有入過佢哋房借嘢，但啲報道用到『爆房』呢啲字眼，好核突！」完騷後，蔡思貝與周志文、溫家偉及羅仲謙影緋聞大合照，周志文站在她身邊，地位比其他緋聞情敵超然！
