朱千雪驚訝 祝早日開花

2012年獲封港姐季軍的朱千雪，與亞軍的黃心穎老友鬼鬼，近日接連合作拍攝新劇，與心穎日日「孖住」開工。千雪得悉對方參加speed dating後大表驚訝：「佢係咪同朋友食飯咋？佢咁忙同努力，佢架車日日都泊電視城停車場喎！（好出奇對方有時間參加？）係呀！（若對方因此成功搵到男友，會否祝福對方？）當然啦！如果佢搵到心儀對象就好喇！」問她會否心思思也想藉此「識男仔」？千雪就自認傳統，她說：「唔會啦！我呢排忙拍劇，都冇時間！況且我比較傳統，我覺得由朋友開始（戀情）好啲，（咁樣快啲識到男友？）緣分無得強求嘅！」