袁嘉敏自嘲變態有報應

女星袁嘉敏(Candy)及台灣美眉許維恩昨日到荃灣宣傳電影《屍城》,提到演女獄長的她片中着皮衫鞭打安志杰,她笑說:「打到佢成身紅晒,之後我攬住佢,係咁講唔好意思,其實我好柔弱,但成日演變態角色,上次踢杜汶澤下體,今次打安志杰,我覺得遲啲會有報應。」問是否在王晶新片《鴨王》中露三點?她支吾以對,表示開鏡當日才可透露,現只能說是全裸。

有指她扮一姐要求找星級化妝師Zing化妝及黐古天樂,Candy連環否認。問是否冧古仔?她笑說:「我迷戀佢啲公仔,希望有人搭路,畀我潛入佢個倉度!但現實冇咩交流,起碼今年冇講過一句話。」