周美欣入圍亞洲超模賽50強
歌手周美欣（Lorretta）和藝人李璧琦（Becky）昨日一同出席產品發布會，身穿高貴黑色長裙的Lorretta表示是次為活動品味宣傳大使：「其實我每朝都會飲蜜糖水，但一定要謹記水溫唔可以超過40度，否則就會有反效果。」她續透露剛參加了「Asia Top Model」大賽，還成功進身50強：「其實係尋日先網上面試，（贏嘅成數高？）自己身高都夠高，不過我11月有工作在身，如果再入圍的話都驚參加唔到個比賽。」
另外，大騷香肩的Becky表示無懼王維基於無綫台慶日開台：「百花齊放幾好，有競爭先有進步，（你睇過未？）自己未有機會睇，不過如果當日做緊台慶都應該睇唔到啦。」她又謂將忙於拍攝首部古裝劇，現為角色需要而努力學習古箏。