除了Barbie外，日模松岡李那及許雅婷（Kabby）同樣為參演周星馳新片積極備戰！Kabby正進行地獄式做Gym及練瑜伽，一星期更苦練泳術四至五日，已能在水中閉氣分半鐘，希望成為最出色的美人魚！她說：「之前深圳選拔時已學到水中擘大眼，依家練緊水中做表情，有參考外國嘅美人魚電影，始終水底演戲好難！（點睇Barbie身材又升Cup？）吓？佢不嬲好豐滿喇喎！每人有自己賣點，我唔會同佢鬥呢樣。」
自知普通話講到一舊舊的松岡亦每日苦練，其經理人表示：「有搵專人教授，日日都講普通話。（覺得Barbie點？）唔評論人喇！做好自己先！」此外，獲讚最有氣質的內地代表林允亦努力增值自己，不讓香港女星專美，她說：「有找老師學演技，到健身房練體能及練游泳。」