歌手糖妹昨日擔任環保活動的頒獎嘉賓，在活動上與小朋友合力創作環保手帕外，更分享環保心得。她直認自己是「包底王」：「我唔忍心見到食剩嘅嘢，寧願之後做運動減番都要食晒啲嘢！」而早前她赴澳洲拍攝飲食節目，表示都有增磅：「去之前瘦咗十磅，返到嚟都即刻做番運動Keep番。」
快將生日的她被問到如何慶祝？她笑言：「差啲唔記得就生日添，不過都唔會特別慶祝。（冇追求者約你咩？）冇追求者呀！但啲朋友話我唔想慶祝，點都要出嚟食餐飯啩。」
