釗峰遇「情敵」為栢芝拚搏
張栢芝緋聞男友C AllStar成員梁釗峰昨日出席活動，對於有內地作家向栢芝示愛，釗峰未有放緋聞情敵在眼內，揚言自己會負責出外拚搏，與二人不同。
組合C AllStar、藝人Jessica C.（JC）、黃美棋、安志杰及伍允龍等昨日現身西九龍海濱長廊《Run for your lives》活動，黃美棋以緊身運動褲示人，JC則以背心、短褲上陣，同樣吸睛。
微露心口事業線的JC更不停跳跳紮搶鏡，與安志杰及伍允龍落力宣傳太陽娛樂文化出品的新片《屍城》。而原本答應出席的鄭融因事缺席。
伍允龍搵嘉欣睇戲
栢芝緋聞男友釗峰被問知否多了兩名內地80後作家情敵，他說：「唔知道，不過佢（栢芝）實有啲影迷嘅。（唔係影迷，係示愛？）點示法呢？（話可以男主內，畀栢芝安心發展事業。）我都冇乜諗過呢個問題，但我唔可以主內喎，我主外，我要做出外面拚搏嗰個。」另一位成員On仔則笑問：「個作家靚唔靚仔先？不過佢識咁講，都幾了解呢行啲人嘅心情。」
大派冰淇淋的JC說：「今日好熱，但有『喪屍』（現場有參加者所扮）追住就會跑，我今日係為避喪屍而跑！但我覺得如果我做『喪屍』，應該幾好玩，可以追住啲人嚟跑！」安志杰搞笑回應老友謝霆鋒與王菲戀情，他說：「同霆鋒好耐冇聯絡。（恭喜咗佢？）有，但冇message佢，喺個心度恭喜！（張家輝話一早知？）我唔知㗎！」伍允龍稱會邀鍾嘉欣睇戲：「我做演員同動作導演。（搵好多錢？）做幾份工作收幾份錢，合理價啦！（叫鍾嘉欣睇？）會，如果佢想人陪佢睇，我都會陪。（鍾嘉欣之前做產品代言收唔到錢？）我唔清楚，我哋冇傾呢啲嘢。」
黃美棋則說：「我今年做人，以前做『喪屍』，化完妝自己都嚇親。（叫男友鍾健威保護你？）係好朋友！佢整親隻腳，會坐輪椅做band show，佢叫我落力攞個生還者牌畀佢睇！」
文：影視組