周柏豪high爆任城城偷桃

歌手周柏豪前晚為一連兩場的首個紅館個唱《周柏豪 Colors of Life Concert 2014》舉行尾場演出，獲女友Stephanie連續兩晚捧場，而張智霖、G.E.M、連詩雅等亦有撐場。柏豪赤裸上身貼滿金箔打頭陣，唱出多首快歌作熱身，當演繹出道作《同天空》時，因感動而幾度激動落淚，慘變淚人！

學偶像打後空翻

個唱進入尾聲，郭富城以壓軸嘉賓現身，二人合唱互摸及辣舞連場，期間城城「偷桃」突襲柏豪，令觀眾high爆尖叫！城城表示柏豪早已邀請自己做嘉賓，但因為忙拍電影，才遲遲未能答應。其後，城城更公開大讚他：「呢幾年樂壇最好嘅音樂，就係柏豪嘅音樂！我平時化妝set頭都係聽柏豪嘅歌！」指柏豪非常勤力：「呢個舞台係屬於你！」

演繹出道作《同天空》時，柏豪哭成淚人。	柏豪女友Stephanie連續兩晚捧場。	楊鎧凝向柏豪獻吻。

另柏豪因看過城城以前的演唱會而苦練打後空翻，城城知道後自爆曾因跳彈床而弄斷十字韌帶，他提醒柏豪說：「雖然第一次喺紅館演出，想畀啲驚喜大家，都要小心，但係你做到喇！送個強字畀你！」更強調柏豪非常有感染力，是年輕人的榜樣，當聽到偶像讚自己時，柏豪更兩度跪拜城城，送對方離開舞台。

暗示恨娶Stephanie

演唱會完結後，柏豪被問到為何不感謝女友支持，他說：「唔使特別開名！」而提到在台上揚言要娶美心妹妹楊鎧凝，女友可會不高興？柏豪首次默認戀情：「可能到佢大個會有一夫兩妻制，睇吓有冇福分，我係一個傳統男人，都想有個靚老婆同靚仔女！」其後，問到與女dancer跳辣身舞，女友有否呷醋時，柏豪大讚女友是「順得人」，謂：「佢好好嘅，係我嘅福分，低調啲！」

另昨日柏豪現身粉絲聚會，指女友未有出席演唱會慶功宴，因名額有限，他說：「幾時見都得啦！（確認佢身分，佢咪好開心？）佢幾時都咁開心，不過我開心啲，係我嘅福分，有個咁好嘅人喺身邊支持我！希望未來日子都有咁嘅福分！」會上柏豪被熱情粉絲整到條頸留下手指甲痕！

文：音樂組