劉心悠性感天鵝唔慣晒背
劉心悠昨日出席首飾品牌活動，罕有地以性感造型示人，形容是入行以來的一大突破，坦言仍未習慣眾人的目光。另一邊廂，混血名模Cara G.表示曾拍攝裸照，其夫婿更聲稱裸照會陸續有來，作風非常大膽！
藝人劉心悠、陳智燊，模界夫婦Cara G.與Jesper、Jocelyn與Anthony等，昨日同出席首飾品牌新店開幕，心悠以一身黑天鵝造型示人，罕有地露出白滑美背。問到為何如此性感？她說：「自己揀衫比較保守，覺得好透風，重點係背脊。（怕走光？）黐晒膠紙都OK！（點保養玉背？）自己背脊冇粒粒、滑滑地，因為摸唔到，同埋比較注重肩位高低，做運動可以調整。」心悠又指是入行9年來的大突破：「第一次去活動以背脊示人，要返屋企練下，今次係一個大躍進。（電影考慮全裸？）可能要等十年之後先接受到，未入行前自己都唔會着裙，因為覺得好似冇着咁。」
為囡囡唔會再生
同場的Cara G.透露曾收過老公Jesper送贈的珠寶：「訂婚同求婚戒指，佢知我鍾意古董款式，都有送過畀我㗎。（價值？）係一個回憶嚟，唔可以用錢去衡量。」Cara透露與老公將赴峇里島：「出席朋友當地結婚典禮。（再生B？）唔生啦，依家囡囡正處於成長階段。（拍裸照？）唔話你知。（你老公最近唔見電話？）大肚時有影裸照，但係啲有格調相。」而Jesper更開玩笑指：「10月後會發生。」另外，同場的陳智燊表示有留意無綫裁員一事，但力撐公司待他非常好：「一直都有多方面機會，同公司仲有好幾年合約。（有加薪嗎？）續約之後都有加薪。」
文：名人組