栢芝學放下

「鋒菲」復合後,謝霆鋒前妻張栢芝向友人哭訴前夫霆鋒為工作為私事忽略兩名年幼兒子Lucas及Quintus,更斥前夫是「不關心兒子的爸爸」,後悔曾和他轟烈地愛過。

霆鋒為兩子賺錢

霆鋒經理人霍汶希(Mani)昨日獨家接受電話訪問時,為一向對私事封嘴的霆鋒平反,指霆鋒為內地節目《十二道鋒味》走遍半個地球,花逾半年拍攝,為工作可謂不眠不休,而霆鋒今年生日,她見霆鋒腳患復發外,手指關節又腫脹,懷疑患上關節炎,故霆鋒生日時已為他預留假期休息,可是霆鋒得知當天的成都商演無法改期才照常工作,Mani:「其實佢咁辛苦工作,都係未雨綢繆,為咗兩個仔想賺多啲錢。」問霆鋒可有為栢芝所言不悅?她指霆鋒好低調,不談私事,故她也沒多問霆鋒。

對於霆鋒被鬧可感心痛?Mani語重心長謂:「我心痛栢芝多啲,撇開我係霆鋒經理人,我都係女人,好明白栢芝感受,但希望栢芝學識放下、釋懷,佢開心啲對兩個仔都好啲,媽咪開心,小朋友先可以健康成長,栢芝咁先可以迎接佢第二個另一半。」至於栢芝表示與霆鋒相戀感後悔,Mani認為當年兩人真心相愛又何必言悔,並說:「兩個人一齊係天注定,兩人出問題又何必勉強喺一齊呢?」

記者翻查資料,Mani曾以「放下」為題為友人的著作寫序,故事講書生因失戀而一病不起,後遭僧人講故事點化,指河中有裸女浮屍,先後有三位路過的書生看見相助,第一書生跳河撈起裸女並安放在草地上,而第二位則除衫並為裸女蓋衣蔽體,第三位則徒手為女屍掘墓,導至傷手流血,僧人指出病書生正是故事中的第二人,愛人的新郎則是第三個書生,所以病書生明白因果道理,第三書生比自己付出更多,最終學懂「放下」後不藥而愈。

已返新加坡養病

另外,鋒菲爆出復合後,就流出栢芝早前因患急性腸胃炎而入院的消息,其經理人指栢芝已返新加坡休養中,但前日有網友在街上偶遇病愈的栢芝,一身pink lady打扮的她帶住一個小孩,精神不俗兼笑容滿面。又有男fans在機場遇上栢芝,栢芝大方跟他合照。據知栢芝患病時正拍攝內地生活體驗式真人騷,表現專業的她深入農村學耕田,又為老婆婆打理家務。