婷婷唔驚男友作反
謝婷婷在倫敦出席TOPSHOP UNIQUE 2015春夏時裝騷，以異國風情造型亮相，相當搶眼。又自爆曾與男友遊倫敦：「之前都有同Sean嚟過。（當時拍緊拖？）係呀，佢以前喺英國讀過書。（將來打算在倫敦結婚？）可能歐洲，不過我想喺非洲，但好多人話危險。」
提到Sean被《好報》拍得與外籍女子行街，她為男友澄清：「佢當日同做騷嘅模特兒一齊收工時被影到。（擔心？）佢所有朋友我都識，我陣間都同佢啲朋友出去食飯。（報告行蹤？）我唔係check佢，佢乜都會同我講，我比較自私，會做完晒嘢先同佢講。」她又稱視對方為結婚對象：「到呢個年紀，係一致方向，諗一生一世。」同場的名模Cara Delevingne打頭陣及壓軸出場，吸引不少潮人到場觀摩。另外，英國女歌手Rita Ora往欣賞Stella McCartney時裝騷，穿大deep V jumpsuit的她，峰頭甚勁。
