袁詠儀變問題少女

袁詠儀（靚靚）近年愛上練瑜伽，不時相約一班藝人朋友跟星級教練黃佩霞上堂，日前下午3時多，靚靚趁寶貝仔返學，與蔡一智夫婦相約黃佩霞於中環食tea，席間靚靚更變身「問題少女」，一度皺晒眉指住自己雙肩向黃佩霞請教，似是受傷患所困，只見黃佩霞滔滔不絕兼手郁郁示範，同場的蔡一智夫婦亦細心聆聽，及至食完後一行人離開，由蔡一智負責埋單，兩夫婦恩愛翹實走人，而靚靚與黃佩霞繼續雞啄唔斷。