戴尚安（Sean）早前被拍到趁女友謝婷婷出埠工作約會洋妞，最近又被昨日出版的《好報》撞破跟金髮女郎出街，一次就話巧合，兩次真係唔識講。
當日下午５時多，穿上透視裝露黑bra帶的洋妞和Sean一同步入商場，他們默契十足行入家品店，有傾有講揀餐具，洋妞更熱情地挨近Sean，又不時交頭接耳，雖然最後乜都冇買，但玩足半小時，期間Sean甚有風度為女方推門。女友開晒綠燈，Sean算是攞正牌約女，不過，金髮洋妞又高又索兼相當熱情，婷婷都係睇緊啲穩陣！
