杜浚斌愛破壞王唔要蠢鈍B

電台主持人杜浚斌（Ben）去年舉行棟篤笑大獲好評，並先後到澳門及內地進行巡迴。增添不少信心的他，即食住個勢於下月三日，假旺角麥花臣場館舉行一場「吾港笑」棟篤笑。近日忙於籌備的Ben透露內容是講香港的轉變及小時候的經歷，並自爆童年非常「奀皮」：「全條街嘅人都識我，形容我係最曳小朋友。我係畀父母打到飛起，曾經兩次係死亡邊緣。」

奀皮掟竹通街走

Ben坦言是破壞王兼通街走，讀書時因溝對面學校女生，隔住鐵線網向對面男生掟竹竿，他說：「啱啱有啲搭柵嘅竹喺度，我就執起當鏢槍掟過去，好彩冇掟中人，不過都差啲趕出校。（擔不擔心「破壞王」DNA遺傳下一代？）都驚，不過寧生敗家仔，莫生蠢鈍兒。」

去年舉行棟篤笑大獲好評，Ben將於下月再添食。

放大圖片

曾家暴被老婆打

Ben透露一生最怕蠢人，笑言：「如果我生個小朋友好蠢嘅話，我相信會唔認佢，仲會懷疑太太同質問佢，如果聰明而曳我可以接受，有得教嘅。」近日圈娛多對夫婦發生家暴事件，Ben搞Gag笑指曾被老婆打：「有晚佢係咁撩我講嘢，我忍唔住發脾氣，佢就成部iPad掟落我隻手，不過我都知自己唔啱，第二日都有氹番佢。」

文：音樂組　

攝：嚴偉國