１.５億元的六合彩彩池令全城瘋狂，謝安琪（Kay）、名模Ana R.也趁熱鬧跟公司同事夾錢「大包圍」，跟公司同事夾錢煲金多寶的Ana說：「平時我比較少買，但同事講起，即刻有人發起夾錢。我好有橫財運，啲同事好踴躍，一呼百應，夾咗成一萬元，大家咪當玩吓囉。」
而Kay透過經理人說：「公司開咗個group，問邊個同事有興趣夾錢一齊買，我哋有十三個人，每人夾五十元玩吓囉，好似係買電腦飛。」若然真的中得巨獎，Kay會先為本月27日舉行的新碟音樂會製作費加碼，然後再投資，一於錢搵錢，又考慮置業，因她正物色心水樓盤。
