歌手吳國敬月底將與港青交響樂團在荃灣大會堂舉行音樂會，有網民爆料指阿敬音樂會門票銷情一夜間飆升，質疑有人自己買飛送朋友，又暗寸阿敬之前跟甄妮在網上互罵是博見報，阿敬昨在電話反擊：「我啲朋友買晒飛有幾出奇？仲唔夠飛賣添，千幾個位容乜易賣晒，今次係同歌迷嘅聚會，如果要博見報，都等紅館騷先啦！」對被人抹黑，阿敬懷疑是甄妮粉絲所為，因暗寸他的網民，在其微博上載與甄妮的頭像相，他說：「梗係唔鍾意我嘅人先咁做，佢好冇品，連我過咗身嘅阿媽都話埋！」
