Eric Kwok強闖廁所影老婆裸照
音樂人郭偉亮（Eric Kwok）、歌手周柏豪、藝人洪永城等前晚出席時尚雜誌慶祝酒會，Eric Kwok對於獲得年度獎項表示鬍子應記一功：「留鬍之後真係幫咗我好多，man咗。」他透露自己以前拍戲以客串角色為主，但將會有轉變：「接咗部戲年尾開拍，今次會扮演變態殺手，搞笑係因為我平時有煲開呢類型嘅戲，所以連Grace（太太葉佩雯）都叫我去拍，做番自己咁話。」
Eric Kwok自爆是首次有人找自己拍戲：「我有問導演使唔使準備啲咩，例如去街市睇人點斬豬肉，因為我個角色係一個豬肉佬，但導演話只需要我減肥。（要減幾多？）減十幾磅，真係要慢慢減。」另他表示有留意荷里活巨星被盜取裸照新聞，還笑言：「我成日都想同Grace影，但佢唔想我影咋嘛，我試過喺佢沖涼嗰陣衝入去，但唔成功。（會放相上iCloud？）本身諗過擺，但發現太危險，有好多私人嘢。」
周柏豪操到頭暈
同場的周柏豪表示將在紅館開演唱會，他透露近期狂做gym操弗身形，為演唱會準備秘密武器：「我呢排唔單止做gym，仲有練一啲高難度動作，上星期仲因為血糖低而見頭暈，唔記得嘢添，好彩最後冇咩事唔使入醫院咋。（有冇買重保險？）公司有買，數字就從來都唔過問。」
而洪永城表示對於潮流服飾的方向，以往會請教女朋友，不過當日服裝是自己挑戰，笑言：「揀咗兩個鐘o架！（問緋聞女友唐詩詠？）自己偏向casual，可能都會問嘅。」提到有傳戀情疑似曝光，他大方說：「唔會特別刻意話避唔避忌，正常態度。（繼續食飯？）正常啦，（向崔建邦取經問女方喜好？）我同佢唔熟。」
文：名人組