梁婉微恨裸曬
常被誤認為外國人的Super Gear成員梁婉微（Milky）雖然百分百「香港製造」，但其思想及行為均與外國人無異。除自爆渴望到外地裸曬，更試過因「大食」而嚇走男性朋友。
將成為東網Baby的Super Gear成員梁婉微（Milky），雖然擁有純正的中國血統，但她笑言不時被誤認為外國人，黝黑的膚色更曾令她被錯認為「印度西施」。想不到除了外貌及身形外，Milky連思想上亦跟外國人一樣開放，她更自爆一直有裸曬的念頭：「其實我一路都想試吓裸曬，始終着住泳衣曬，會曬到有印，但喺香港裸曬的話，我驚會畀人用奇怪目光去望我同影我相。唔係因為我嘅身份，只係因為我嘅行為而覺得我怪，反而喺外國裸曬係好平常嘅事，唔會畀人眼望望。」
自爆大食
夏天來臨當然少不免大騷身材及大玩水上活動，身形勻稱的Milky亦不時相約好友大搞船上派對，更會玩wakeboard。被問到如何保持弗到漏身形，她二話不說稱要控制食量，Milky更自爆其食量拍得住外國人：「我幾年前係一個黑洞，試過有次去打邊爐，我由未齊人開始食到電視播《晚間新聞》都仲食緊，幾個鐘冇停過係咁食，搞到朋友都忍唔住開聲叫我停一停口。」
嚇窒男伴
正所謂「口大食窮郎」，她更曾因「大食」而嚇怕男性朋友：「試過同啲新認識嘅朋友食飯，其實我已經食得好慢、好低調，但係到佢哋停晒手，我都仲食緊，最後仲同我講：『原來你都幾擦得！』。」
Profile
姓名：梁婉微（Milky）
生日：1月10日
身高：170cm
三圍：33-25-35
文：專案組
攝：張福宏
服裝：NAMI