基仔等批假出埠造人
新婚不久的古巨基日前晚率領方皓玟、林欣彤及連詩雅出席「拉闊音樂會」。婚後首次出席大型騷的基仔笑指唱新歌特別投入，隨即踢爆匿在後台的老婆要他唱鄭伊健的《一生愛你一個》，唱罷即說：「唔知佢有冇喊？」接住亦借張國榮的《柔情蜜意》及韓劇歌曲《My Destiny》送老婆，並自爆在家被只顧煲韓劇的太太冷落。問到造人進展？基仔說：「呢啲唔好講，睇天意同隨緣。（人工受孕？）未諗，等公司批假出埠先努力。（有冇進補？）佢成日畀好多嘢我飲。」
早前被踢爆與初戀男友翻撻的林欣彤大方表示對方有到場，問到是否與其父母一齊坐？林欣彤說：「唔知，啲飛係公司安排。」並強調對方沒有入後台探班。而首次參與「拉闊音樂會」的連詩雅承認緊張過度搞到痰上頸。方皓玟則獻唱新加坡歌手許美靜金曲《明知故犯》掀起高潮，更High爆除高踭鞋。