張智霖撩唱情歌一額汗
【戴佩玉吉隆坡直擊】張智霖（Chilam）前晚於吉隆坡展開巡迴演唱會首站，全場爆滿。雖然節目編排與早前香港演唱會大同小異，由於馬來西亞對藝人演出限制規定，令他無緣於當地觀眾面前晒胸肌。當Chilam邀請女歌迷上台伴他唱情歌時，竟有坐於「山腰」的粉絲自動請纓，他見狀笑說：「如果我揀你，數十聲落唔落到嚟吖？」想不到該名歌迷隨即跨越面前圍欄，不消一會即上台出現在Chilam面前！
事後Chilam接受訪問笑說：「真係牙煙，睇到都驚，涉及到人身安全，如果有乜事，我都要負責喎。」演唱期間他忽然胃痛發作：「可能事前冇乜食嘢，咁嘅情形都未試過，所以一完場即刻入後台食餅充飢。」
另外，羅仲謙專程飛往當地為Chilam擔任嘉賓，玩遊戲時更於台上孭起一名女粉絲疾走。他又當眾謂：「我28日剛過生日，係一年嘅新開始。我有朋友30日生日，大家一齊送祝福畀佢吖。」謙仔所講的「朋友」，其實是女友楊怡，認真sweet爆！由於忙住拍劇，他直認還未有時間與對方慶祝。
