林峯拍親熱戲要備案

林峯、佘詩曼及苗僑偉、韓馬利等昨日到將軍澳宣傳無綫劇 《使徒行者》，林峯自爆拍親熱戲時會向女友吳千語報案：「個劇間中飛紙仔加親熱戲，我遲咗報案，要講聲sorry！（女友咁嚴？）要嘅，佢拍都有同我講，互相尊重。我哋啱啱去完東京旅行，置咗新裝。」提到網友熱論他在劇中被林偉打後，彈飛數米的鏡頭，他說：「拍嘅時候係我自己起跳，戲劇效果需要，娛樂大家啫！（有網友cap圖，話你下身有長物。）我諗係條褲布料同角度問題。」他重申仍未落實簽約新公司，有消息一定公布。