陳嘉容整月餅有天分

名模陳嘉容（Eunis）今年出任醫學美容代言人，加上頻頻返內地舉行美容扮靚講座賺人仔，荷包自然腫脹不少，趁中秋節將至，她就豪花5位數字幫襯老友Shanice的餅店訂購名貴月餅與至愛親朋分享，更親自跟Shanice學整月餅，Eunis說：「啲月餅好特別，四款都係鹹嘅，有黑松露、魚子醬、黑毛豬同埋XO醬，而且全部都低鹽低脂低油，好健康。」
親手整月餅的陳嘉容，拿着製成品相當興奮。
親手整月餅的陳嘉容，拿着製成品相當興奮。

首次學整月餅的Eunis絕對沒有雞手鴨腳，全程製作得有板有眼，看來對整餅相當有天分。每年中秋Eunis都會與家人歡度佳節，今年也不例外，她說：「中秋節要人月兩團圓，同家人一齊慶祝就最開心，不過當然都希望我嘅真命天子早日出現，陪我人月兩團圓啦。」

陳嘉容整餅有板有眼。
  • 陳嘉容整餅有板有眼。
陳嘉容豪花5位數幫襯老友Shanice的餅店，更由對方教整餅。
  • 陳嘉容豪花5位數幫襯老友Shanice的餅店，更由對方教整餅。