JC過來人教路 性在精明

JC認老，笑言拍情慾片留番畀後生女。

昨日「警鐘胸」女模Jessica C.（JC）與藝人岑麗香（香香）一同出席活動，二人更即場鬥玩層層疊，穿上紅色低胸裙子的JC俯身玩遊戲時十分投入，玩得香汗淋漓，波濤「胸」湧，搶盡香香「峰」頭！

對於近日騎呢女子組合AD2成員Amy有艷片流出，JC表示有留意：「其實每個人嘅過去都會有過失，未必想畀大家知，都係喺唔情願嘅情況下公開咗，（你係過來人？）係呀，所以經一事長一智！（以後唔會再拍？）盡量嘗試唔會，（嘗試？）係呀，應該要學得精明啲，唔好再做呢啲嘢！」問到男友可有要求拍情慾片？她自言與男友關係不止於此，男友常會在心靈上慰藉她，不過她認為性在一段關係中是很平常的：「如果兩個人相愛，性係好自然同正常嘅事，不過呢啲（拍情慾片）係後生女嘅玩意，我老喇，所以我會叮囑妹妹一定唔可以拍呢啲片，將來實會後悔！」

JC玩層層疊，旁邊的香香戥她肉緊。

香香（右）特登穿上六吋高跟鞋，與JC不致相差太遠。

香香做好本分

而同場的香香被JC蓋過「峰」頭，她毫不介意，更笑謂得知跟對方同場，刻意穿上六吋高跟鞋：「我今日特登着最高嗰對高踭鞋，因為我知佢好高，再着高啲就行唔到路嘞，（有冇戴埋push up bra？）呢啲係女人嘅秘密，有冇戴都唔會講！（佢有對警鐘胸？）咁各人都有自己風格，各有各美！（有冇人搵你行泳衣騷？）泳衣留番畀Jessica啦！」談到有指藝人關禮傑的女兒關楓馨跟她同樣是甜姐兒般sweet？她笑說：「始終大家唔係同一個人，不過香港多啲sweet冇損失，（咁咪有人同你爭飯碗？）我做好自己本分就得，做人唔好咁貪心。」

文：名人組