沈卓盈實習歌女 色誘湯鎮業
無綫藝人沈卓盈（Jess）取代甩底的梁政珏拍攝新劇，飾演歌女的她開工沒多久便要考牌，即學即用上演兩場歌舞，又要色誘湯鎮業，Jess坦言為免準備不足，惟有犧牲食飯時間惡補舞技，而湯鎮業則大讚其表現值90分。
早前梁政珏出埠，回程時於英國機場被搶手袋，未能如期返港拍攝新劇《梟雄》一場大場面戲，結果角色由Jess取替，臨時接旨的Jess飾演歌女，日前旗袍上陣拍攝兩場歌舞戲，期間還要勾引湯鎮業，更要在正印陳煒面前接吻，由於Jess非科班出身，要即場學習舞步，為免影響拍攝進度，Jess連飯也不吃，埋頭喪練動作，幸而表現也有板有眼，獲拍檔湯鎮業大讚聰明。
兩場歌舞值90分
湯鎮業不諱言Jess的兩場歌舞表現值90分，他說：「佢進步好多，啲歌係咪嘴，但兩場舞要特別學，即學即用添，不過好在幾聰明，外形又OK，以一個非專業嘅人嚟講，有呢個表現已經好好。」湯鎮業笑指戲中Jess色誘成功當其二奶，二人還有一場在正印陳煒面前的咀戲，湯鎮業透露他們於正式埋位時才真咀，更謂：「場戲主要係激陳煒，佢不知幾有大家姐風範，入型入格，行出嚟已經似，以後無綫嘅大家姐角色佢撈晒都得，我好開心今次遇到咁多個好對手，好似黃秋生咁，個個都好戲。」
而Jess對於被前輩大讚聰明亦感開心，自言準備不足，但又不想令大家失望，更謂：「我咪用食飯時間學盡佢，（有冇跳舞底？）之前拍戲時都試過跳鋼管舞，以前只跳過中國舞咋！」
文：影視組