陳嘉桓羅拉上身 玩槍整傷臉
陳嘉桓昨日手執粉色步槍化身「盜墓者羅拉」，雖然似足女槍手，即使被BB彈射到臉也不怕，但她就指揸槍點都難過打功夫！喜愛刺激玩意的她又揚言想試玩跳降傘，誰知講錯話想試「跳飛機」，認真搞笑！
藝人陳嘉桓（Rose）昨日在荃灣為射擊比賽擔任嘉賓，以「盜墓者羅拉」造型現身的她，指自己玩槍不怕瘀手瘀腳：「因為玩嘅時候係會着番長衫長褲，咁呢度玩又冇以前喺戶外咁激烈。」又表示玩槍好刺激：「最快嘅係玩到1分39秒，我尋日（即前日）自己玩，我就玩咗6分鐘。」雖然前日玩氣槍不小心被BB彈彈到塊面，但她仍覺得射擊好玩：「我覺得難得有得玩，就趁細個玩！」
想學跳降傘
問打功夫難還是揸槍難？拍電影《辣警霸王花》時開過真槍的Rose坦言揸槍較難，又表示想學砌槍，她說：「女仔識嘅話都幾有型！」（唔怕冇男仔埋身？）唔驚，學多樣嘢好，我自己都學緊潛水。」揚言想多試高難度玩意的Rose又謂想試跳降傘，卻不慎誤講成「跳飛機」，記者笑住指正，她即時死撐：「喺飛機度跳降傘落嚟！」相當搞笑。
斥射傷途人
談到最近有人用氣槍射傷途人，Rose也有留意新聞：「佢係唔適當咁玩，因為玩呢啲要好安全咁戴晒眼罩，真係着長衫長褲，戴埋頭盔先至畀你入去玩。」
文：影視組