官恩娜想學鋼管舞

歌手官恩娜（Ella）昨日出席活動表演打太鼓及日本扇舞，她表示曾學過拉丁舞，還花千多元買舞鞋，但後來沒有繼續學，而她亦很想學鋼管舞，但因要穿三角褲來跳，感覺太露骨。為何對鋼管舞有興趣？Ella坦言因好友跳鋼管舞很叻，經常聽她說。問到識跳可像王菀之在演唱會上表演？Ella謂：「我係好欣賞佢，自己就冇咁嘅信心，着咁少布去跳，平時公司都好怕我，我好大意怕我走光。」學來跳給男友欣賞？Ella謂：「佢都反對，太性感，佢叫我繼續學騎馬同跳日本舞算！不過我都唔係因男友唔鍾意先唔跳，係過唔到自己嗰關。」