李亞男累劉思希洩密
視帝郭晉安及視后田蕊妮昨日率領一班藝員谷劇，與傷健人士坐輪椅打籃球，期間李亞男及劉思希玩得最投入，穿短裙的思希露出白色神秘三角，事後賴亞男大整蠱。
無綫藝員郭晉安、田蕊妮、張繼聰、李亞男及劉思希等昨日到薄扶林一所技能發展中心宣傳劇集《忠奸人》，與一班傷健人士齊齊坐輪椅打籃球，推廣傷健共融訊息。眾藝員玩得投入，亞男及阿田均有入球，張繼聰突然站起身打茅波，陳嘉佳更橫衝直撞猶如打欖球，場面搞笑！至於身穿短裙的思希坐低時露出白色三角，疑似走光。
思希事後解釋有穿打底褲及上身恤衫夠長，笑言做了雙重打底，但笑罵是亞男好帶挈：「係亞男叫我坐，以後唔坐佢張櫈！（明知坐輪椅仲着裙？）我知道打波，但以為係企，又冇好姊妹提我！」亞男呼冤說：「我有提你o架！」亞男吸取日前出活動露肉色bra的教訓，昨日密實上陣的她笑言：「唔會再瀨嘢！」
安仔針灸治頸傷
安仔透露拍劇期間經常坐輪椅，手用錯力加上舊患引致頸椎受傷：「套劇拍完後右手麻痹，照X光發現頸骨最低三至四節壓住神經線，最後針灸醫番好。（太太擔心？）唔敢話佢知！（以後小心？）冇得避！導演一嗌Action我哋就上晒身！（揀戲拍？）三級片仲死，表面睇以為好舒服，其實需要仲大Energy（能量）！」他稱現已康復，昨日坐輪椅打波亦揮灑自如。阿田表示不覺安仔拍劇期間有異樣：「可能我哋高，model身材，佢成日要抬高頭望我哋所以整親。」
談及台灣高雄及江蘇昆山先後發生爆炸導致多人傷亡，安仔表示曾到昆山工作，感分外痛心：「天災難避免，但如果涉及人為意外，一次都唔應該發生！」阿田則有感人類渺小，更應多為人設想。
文：影視組